Sahir Ludhyanvi: Chand Kalyan

Chand Kalyan Chun Kar Nishat Ki ,, Muddato'n Mehv e Yaas Rehta Hun......

Tera Milna Khushi Ki Bat Sahi ,, Tuj Se  Mil Kar Udas Rehta Hun....

Aao Ke Koi Khwaab Bunein

aao k koi Khwaab buneiN, kal ke vaaste


varnaa ye raat, aaj ke sangeen daur ki


Das legi jaan-o-dil ko kuchh aise k jaan-o-dil


taa-umr phir na koi haseeN Khwaab bun sakeiN

go hamse bhaagti rahii ye tez-gaam umr


KhwaaboN ke aasre pe kaTii hai tamaam umr

zulfoN ke Khwaab, hoNToN ke Khwaab, aur badan ke Khwaab


mairaaj-e-fan ke Khwaab, kamaal-e-suKhan ke Khwaab


tahzeeb-e-zindagii ke, faroGh-e-watan ke Khwaab


zindaa ke Khwaab, koocha-e-daar-o-rasan ke Khwaab

ye Khwaab hii to apni jawaanii ke paas the


ye Khwaab hii to apne amal ki asaas the


ye Khwaab mar gaye haiN to berang hai hayaat


yuuN hai ki jaise dast-e-tah-e-sang hai hayaat

aao k koi Khwaab buneiN kal ke vaaste


varnaa ye raat aaj ke sangeen daur kii


Das legi jaan-o-dil ko kuchh aise k jaan-o-dil


taa-umr phir na koii haseeN Khwaab bun sakeiN

Jageer

phir usi waadi-e-shaadaab meiN lauT aayaa houN
jismeiN pinhaaN mire KhwaaboN ki tarabgaaheiN haiN
mere ahbaab ke saamaan-e-ta’ayyush ke liye

shauKh seene haiN, jawaaN jism, haseeN baaheiN haiN

sabz khetoN meiN ye dubki hui dosheezaaeiN
inki shiryaanoN meiN kis kis ka lahoo jaarii hai
kis meiN jurrat hai ki is raaz ki tash_heer kare

sab ke lab par mirii haibat ka fusuuN taarii hai

haaye vo garm-o-dilaavez ubalte seene
jinse ham satwat-e-aabaa ka silaa lete haiN
jaane in marmariiN jismoN ko ye mariyal dahqaaN

kaise in teerah gharoNdoN meiN janam dete haiN

ye lahakte hue paude, ye damakte hue khet
pahle ajdaad ki jaageer thii, ab mere haiN
ye charaagaah, ye rewaR ye maweshi ye kisaan

sab-ke-sab mere haiN, sab mere haiN, sab mere haiN!

inki mehnat bhi mirii, haasil-e-mehnat bhi miraa
inke baazu bhi mire, quwwat-e-baazu bhi mirii

maiN KhadawaNd houN is wus’at-e-be-paayaaN kaa

mauj-e-aariz bhi mirii, nakhat-e-gesuu bhi mirii

maiN un ajdaad ka betaa houN jinhoN ne paiham
ajnabii qaum ke saaye ki himaayat kii hai
Ghadr ki saa’at-e-naapaak se lekar ab tak

har kaRe waqt meiN sarkaar kii Khidmat kii hai

Khaak par reiNgne waale ye fasurdaa DhaaNche
inki nazreiN kabhii talwaar banii haiN na baneiN
inki Ghairat pe har ik haath jhapaT saktaa hai

inke abruu kii kamaaneiN na tanii haiN na taneiN

haaye ye shaam, ye jharne, ye shafaq kii laalii
maiN in aasoodaa fazaaoN meiN zaraa jhoom na louN
wo dabe paaNv udhar kaun chalii jaatii hai

baRh ke us shauKh ke tarshe hue lab choom na louN!

Sahir Lodhyanvi: NoorJahaan Ke Mazaar Par

pahloo-e-shaaH meiN ye duKhtar-e-jumhoor ki qabr
kitne gumgashta fasaanoN ka pataa detii hai
kitne KhuuNrez haqaaiq se uThaati hai naqaab
kitni kuchli hui jaanoN ka pataa deti hai
kaise maGhroor shahanshaahoN ki taskiiN ke liye
saal-ha-saal haseenaaoN ke baazaar lage
kaise bahkii hui nazroN ke ta’ayyush ke liye
surKh mahloN meiN jawaaN jismoN ke ambaar lage
kaise har shaaKh se muNh-baNd mahakti kaliyaaN
noch lii jaatii thiiN taz’iin-e-haram kii Khaatir
aur murjha ke bhi aazaad na ho saktii thiiN
zill-e-subhaan  kii ulfat ke bharam kii Khaatir
kaise ik fard ke hoNToN ki zaraa sii jumbish
sard kar saktii thii be-laus wafaaoN ke chiraaGh
looT saktii thii damakte hue haathoN ka suhaag
toR saktii thii mai-e-ishq se labrez ayaaGh





sahmi-sahmi si fazaaoN meiN ye veeraaN marqad
itna Khaamosh hai, faryaad-kunaaN ho jaise
sard shaakhoN meiN havaa cheeKh rahii hai aise
rooh-e-taqdees-o-wafaa marsiyaa KhwaaN ho jaise




tu meri jaan! mujhe hairat-o-hasrat se na dekh
ham meiN koi bhi jahaaNnoor-o-jahaaNgeer nahiiN
tu mujhe chhoR ke Thukraa ke bhi jaa sakti hai
tere haathoN meiN mire haath haiN, zanjeer nahiiN

Sahir Lodhyanvi: Jageer

phir usi waadi-e-shaadaab meiN lauT aayaa houN
jismeiN pinhaaN mire KhwaaboN ki tarabgaaheiN haiN
mere ahbaab ke saamaan-e-ta’ayyush ke liye
shauKh seene haiN, jawaaN jism, haseeN baaheiN haiN

sabz khetoN meiN ye dubki hui dosheezaaeiN
inki shiryaanoN meiN kis kis ka lahoo jaarii hai
kis meiN jurrat hai ki is raaz ki tash_heer kare
sab ke lab par mirii haibat ka fusuuN taarii hai

haaye vo garm-o-dilaavez ubalte seene
jinse ham satwat-e-aabaa ka silaa lete haiN
jaane in marmariiN jismoN ko ye mariyal dahqaaN
kaise in teerah gharoNdoN meiN janam dete haiN

ye lahakte hue paude, ye damakte hue khet
pahle ajdaad ki jaageer thii, ab mere haiN
ye charaagaah, ye rewaR ye maweshi ye kisaan
sab-ke-sab mere haiN, sab mere haiN, sab mere haiN!

inki mehnat bhi mirii, haasil-e-mehnat bhi miraa
inke baazu bhi mire, quwwat-e-baazu bhi mirii
maiN KhadawaNd houN is wus’at-e-be-paayaaN kaa
mauj-e-aariz bhi mirii, nakhat-e-gesuu bhi mirii

maiN un ajdaad ka betaa houN jinhoN ne paiham
ajnabii qaum ke saaye ki himaayat kii hai
Ghadr ki saa’at-e-naapaak se lekar ab tak
har kaRe waqt meiN sarkaar kii Khidmat kii hai

Khaak par reiNgne waale ye fasurdaa DhaaNche
inki nazreiN kabhii talwaar banii haiN na baneiN
inki Ghairat pe har ik haath jhapaT saktaa hai
inke abruu kii kamaaneiN na tanii haiN na taneiN

haaye ye shaam, ye jharne, ye shafaq kii laalii
maiN in aasoodaa fazaaoN meiN zaraa jhoom na louN
wo dabe paaNv udhar kaun chalii jaatii hai
baRh ke us shauKh ke tarshe hue lab choom na louN!

Dekha Hai Zindagi Ko

                                   Kuch Itna Qareeb SaDekha Hai Zindagi Ko!!!!!

dekhaa hai zindagii ko kuchh itnaa qareeb se
chehre tamaam lagne lage haiN ajeeb se

is rengati hayaa kaa kab tak uThaayeiN baar
beemaar ab ulajhne lage haiN tabeeb se

har gaam  par hai majamaa-e-ushshaaq muntazir
maqtal ki raah milti hai kuu-e-habeeb se

is tarah zindagi ne diyaa hai hamaaraa saath
jaise koi nibaah rahaa ho raqeeb se

ai rooh-e-asar jaag, kahaaN so rahi hai tu
aawaaz de rahe haiN payambar saleeb se

Gham is qadr baRhe k maiN ghabraa ke pee gayaa!!!!

Gham is qadr baRhe k maiN ghabraa ke pee gayaa
is dil ki bebasii pe, taras khaa ke pee gayaa!

Thukraa rahaa thaa mujhko baRi der se jahaaN
maiN aaj sab jahaan ko Thukraa ke pee gayaa!!!

jab kabhi unki tavajjo meiN kami By Sahir Lodhyanvi

jab kabhi unki tavajjo meiN kami

July 19, 2011

jab kabhi unki tavajjo meiN kami paayii gayii
az-sar-e-nau daastaan-e-shauq dohraayii gayii


bik gaye jab tere lab phir tujh ko kyaa shikvah agar
zindgaani baadah-o-saaGhar se bahlaaii gayii


ai Gham-e-duniyaa tujhe kyaa ‘ilm tere vaaste
kin bahaanoN se tab’eeyat raah par laayii gayii


ham kareiN tark-e-vafaa, acchhaa chalo yuuN hi sahii
aur agar tark-e-vafaa se bhi na rusvaaii gayii?


kaise kaise chashm-o-aariz gard-e-Gham se bujh gaye
kaise kaise paikaroN ki shaan-e-zaibaayii gayii


dil kii dhaRkan meiN tawaazun aa chala hai, Khair ho
merii nazreiN bujhh gayiiN yaa terii raan’aaii gayii


un kaa Gham, un ka tasavvur, un ke shikve ab kahaaN
ab to ye baateiN bhi aie dil ho gayiiN aayii gayii


jurrat-e-insaaN pe go taadiib ke pahre rahe
fitrat-e-insaaN ko kab zanjeer pahnaaii gayii


arsa-e-hastee meiN ab tesha-zanoN kaa daur hai
rasm-e-changezii uThii to qaid-e-durraai gayii

Faiz Ahmed Faiz, Loh o Qalam